Европската вселенска агенција ја суспендира руско-европската мисија на Марс, затоа што Русија ја нападна Украина. 

„Длабоко жалиме за човечките жртви и трагичните последици од агресијата кон Украина. И покрај тоа што го препознава влијанието врз научното истражување на вселената, ЕСА е целосно усогласена со санкциите наметнати врз Русија од нејзините земји-членки“, пишува во соопштението на ЕСА.

После информацијата за суспендирањето на Русија, Дмитриј Рогозин, шефот на Роскосмос, одговори дека Русија ја прекинува соработката со Европа за вселенските лансирања и ќе престане да испорачува ракетни мотори за САД, истовремено планирајќи самостојна мисија на Марс.