Дојде и тој ден, пристигна Windows 10
Објавено на 29.07.2015 во Новости
Новиот оперативен систем Windows 10 на компанијата Microsoft од денес е достапен во 190 земји, вклучувајќи ја и Македонија. Во наредните година дена корисниците на лиценцираните верзии Windows 7 и Windows 8.1 можат бесплатно да преминат кон новата верзија. Компанијата очекува милијарда корисници да преминат кон Windows 10 за 3 години.
Новата верзија е достапна за компјутери и таблети, а до крајот на годината и за мобилните уреди. Windows 10 се разликува значително од сите претходни верзии, особено по тоа што може да функционира на сите платформи - мобилни телефони, таблети, компјутери, конзоли за игри, итн. Microsoft веќе нема да го развива Internet Explorer, туку на Windows 10 го инсталира новиот интернет прелистувач Microsoft Edge. Ова се 10 причини зошто да преминете на Windows 10:
Во новиот оперативен систем е вградена дигиталната асистентка Cortana и Windows Hello технологијата, за препознавање на корисникот според неговите биометриски податоци - отисоци на прсти и зеница на окото. Windows 10 ќе биде компатибилен со ажурираниот пакет Office 2016 - Word, Excel, PowerPoint, OneNote и Outlook. Софтверот се одликува со континуитет на функциите и контролите чувствителни на допир на било кој компјутер и мобилните уреди. Windows 10 за десктопи и таблети може да го симнете овде.
Текстот не смее да се печати или емитува, во целина или во делови без договор со Telefoni.mk.
