Google ќе донира за бегалците

Бегалците минуваат по илјадници километри за да најдат засолниште и затоа им е потребна помош. Без разлика на тоа дали легално или илегално престојуваат, мора да им помогнеме како луѓе. 

Google за таа цел објави дека ќе го донира ист износ колку што ќе донира секоја личност за нив. Во превод, ако донирате 10$, Google ќе донира уште 10$, со што ќе им се помогне на бегалците значително. Тие никогаш повеќе нема да имаат дом, затоа треба да бидеме човечни и да им помогнеме барем малку да ја почувствуваат топлината што одамна ја изгубиле.

Секој може да кликне на страницата google.com/refugeerelief за да донира 5, 10, 25, 100 или 200 долари, а парите веднаш се пренаменуваат во „Médecins Sans Frontières“, меѓународниот одбор за бегалци, фондацијата „Save the Children“ и „UNHCR“. Google веќе донираше 1.1 милиони долари, а освен донирањето преку нивната страница, планира да донира уште 5,5 милиони долари, со цел да се собере првичната цел за сума од 11 милиони долари.