Sharp Aquos Compact во друштво на малите моќници

Sharp е најновиот бренд кој ќе се натпреварува во „лесна“ категорија со мини смартфонот Aquos Compact кој има одличен дизајн со екстра тенка рамка, доволно голем 4.7 инчен IGZO дисплеј со Full HD резолуција и солидни перформанси на хардверот.

Sharp Aquos Compact работи со шест-јадрен Qualcomm Snapdragon 808 процесор, Adreno 418 графичка, 3 GB RAM, 32 GB меморија и батерија со капацитет од 2810 mAh кои се сосеам доволни за еден од најмоќните уреди во мини категоријата. 

Sharp Aquos Compact може да се пофали и со 13.1 мегапикселна главна камера и 5 мегапикселна селфи камера, додека пак за софтверот е искористен Android 5.1 Lollipop. Мини смартфонот доаѓа во декември кога ќе бидат познати и деталите за цената.