Стартуваше бесплатната Photoshop Fix апликација

Adobe покрај своите премиум апликации кои се наплаќаат се почесто лансира бесплатен софтвер со цел да придобие што е можно поголем број на корисници, а потоа да ги привлече кон сервисите за кои е потребна претплата. Најновата бесплатна апликација е Photoshop Fix која како што асоцира самото име на едноставен начин ќе ви помогне да ги отстраните сите грешки и недостатоци во вашите слики. 

Со Photoshop Fix на располагање имате повеќе алатки за уредување на елементите на сликите како што е изложеноста, светлината, боите и контрастот, а понапредни алатки ќе бидат пласирани во следните верзии. За почеток Photoshop Fix е достапна само за iOs платформата, па наскоро очекуваме и верзија за Android.