Microsoft Surface Book - Хибридот на Apple но, со Windows 10
Microsoft реши да го испровоцира Apple и нивната серија на Mac Book лаптопи, но секако со понапредната десктоп платформа Windows 10 која за почеток собра одлични импресии.
Новиот Microsoft Surface Book e хибриден лаптоп кој може да се користи со физичка тастатура, маус и бројни приклучоци за контрола и мултимедија, а може да се користи и само како таблет со огромен 13.5 инчен дисплеј со фантастична резолуција од 3000 х 2000 пиксели.
Microsoft Surface Book поседува екстра моќен хардвер и основниот модел кој чини 1499 долари поседува шеста генерација на Intel Core Skylake i5 процесор со интегрирана Intel HD Graphics 520, 1TB SSD диск, 16 GB RAM, 8 мегапикселна камера, како и батерија која може да издржи 12 часа активна работа.
Помоќните, но и поскапите модели доаѓаат со Intel i7 процесор и Nvidia GeForce графичка. Што мислите вие, дали ова е доволно за Apple Mac да биде поразен.
