Yahoo со тотален редизајн, збогум на лозинките
Yahoo лансираше тотално редизајнирана верзија на Yahoo Mail апликацијата која освен визуелни промени и подобрувања има нов начин на логирање во корисничката сметка и тоа без внесување на лозинката, туку со потврда на идентитетот на корисникот преку Yahoo Account Key што треба значително да ја подобри безбедноста.
Меѓу новитетите е и можноста на самиот Yahoo Mail да поставите и влезно сандаче од различните mail сервиси кои ги користите како на пример outlook за да немате потреба да се логирате на две или три различни кориснички сметки.
Воведен е и полесен принцип на правење на бележници бидејќи речиси 20 проценти од корисниците (вклучувајќи ме и мене) самите си испраќаат мејлови со пораки за потсетување, закачување на документи и фајлови и важни податоци. Промени има и во профилите на корисниците, бизнисите и организациите кои ќе станат повидливи и инстант препознатливи.
Дали ги пробавте новите функции на Yahoo Mail и како вие би ги оцениле?