Google најде ортаци за битка со Microsoft
Директорите на најголемите технолошки компании можеби ги прекинаа војните за патенти со долги и непотребни судски спорови, но затоа пак ја заострија маркетинг војната и натрпреварот во продажбата. Google исто така ќе ги ангажира своите партнери кои го изработуваат Chromebook за напади против PC естаблишментот на Microsoft, а нема да биде поштеден ниту Mac на Apple.
Интересно е што Google е релативно нов бренд во десктоп индустријата и нивниот оперативен систем Chrome OS не е перфектен бидејќи од корисникот бара постојана интернет конекција за работа со апликациите, но затоа пак е евтин, лесно достапен и има многу модерни сервиси.
Сепак, на сите им е јасно дека Microsoft е жешкиот бренд оваа година најмногу поради одличниот Windows 10 кој сите го сакаат, па затоа и PC партнерите како HP, Asus, Intel, Lenovo и останатите ќе водат жестока битка со Samsung и Acer.