YouTube ќе се обиде да ви ги земе парите и со Music апликацијата

Google долги години смислуваше како да направи повеќе пари од „рудникот со злато“ YouTube кој има милијарда корисници. Сите содржини досега беа бесплатни и основниот сервис ќе продолжи со засилени реклами. Затоа Google требаше само да ја сочека смартфон револуцијата и преку мобилните апликации YouTube RED за ексклузивна видео содржина и YouTube Music за непречена музика да наплаќа 9.99 долари месечно.

Со Music апликацијата се прави обид да се влезе во стриминг музичката елита која ја доминираа Spotify, Pandora, а сега и Apple Music, но најпрво кај корисниците треба да се смени перцепцијата дека YouTube бил и ќе биде бесплатен, па зошто сега би плаќале на Google.

Со YouTube Music ќе добиете непречен пристап до сите музички содржини и ќе може да слушате музика дури и кога работите со други апликации во моментот, а одредени песни ќе може да ги користите и без интернет конекција.

YouTube Music е комплементарна апликација со YouTube RED и може да ја превземете од Play Store и App Store, со напомена дека се уште не е пристигната во Македонија.