Новите очила за љубителите на Snapchat доаѓаат со две камери
Snap вчера ја претстави третата генерација на Spectacles. Spectacles 3 изгледаат посериозно, имаат две камери и повисока цена. Цената за втората генерација изнесува 150 долари,а за најновиот модел дури 380 долари, што за многумина би било прескапо.
Цената јасно кажува дека не е уредот за секој и дека Spectacles 3 ќе ги бара своите купувачи во инфлуенсерската мрежа и креатори за содржини. Новите очила може да фотографираат и снимаат, при што втората камера има сензор за длабочина и со неа ќе може да се снимаат 3D фотографии и поефектно ќе се применуваат интересни филтри од проширената стварност. Филтрите изгледаат поатрактивно, не може да се применуваат директно на очилата, туку видео записите првично ќе треба да се префрлат на смартфоните и на него ќе го уредат видеото или фотографијата со ефектите.