Honor V30 и V30 Pro 5G пристигнаа со одлична камера и добар хардвер

Објавено на 27.11.2019 во Новости



Honor V30 и V30 Pro 5G пристигнаа со одлична камера и добар хардвер

Honor официјално ги престави двата нови модела што ги најави: Honor V30 и Honor V30 Pro со 5G технологија. Honor V30 и Honor V30 Pro располагаат со 6,57 инчен IPS дисплеј, при што камерата е моќниот адут на овие модели.

Предната селфи камера е двојна и изнесува 32MP + 8MP, која може да снима на агол од 105 степени. Super Night Scene може да снима фотографии и кога има слаба осветленост во просторот.

Задната камера кај двата модела е Sony IMX600 од 60MP+8MP+12MP, која овозможува EIS, 3х оптички зум, 5х хибриден зум, 30х дигитален зум, 30fps со видео снимање и 960fps 720p видео. 

Под хауба Honor V30 располага со Kirin 990 процесор, Balong 5000 5g модем, батерија од 4200mAh со 40w SuperCharge технологија за брзо полнење, 27w безжично полнење и 7,5w обратно безжично полнење. Honor V30 5G доаѓа со 6GB/8GB RAM и 128GB ROM меморија. Honor V30 Pro 5G е со 8GB +128GB и варијанта со 8GB +256GB меморија.

Автор: Aleksandar Stankov