Еве како би можел да изгледа Samsung Galaxy S10 Lite

Samsung ја претстави најновата Galaxy S10 серија пред 9 месеци, но сега ќе го лансира и Galaxy S10 Lite, кој можеби ќе биде ребрендирана верзија на Galaxy A91. Освен името, моделот изгледа повеќе како Galaxy S11.

Samsung планира да го лансира Galaxy A91/Galaxy S10 Lite со Infinity O дисплеј и дупка во средината на дисплејот од горната страна за камерата. Со оглед на тоа што производителот овде сака да ја намали цената на телефонот, тој ќе биде со 6.7-инчен AMOLED дисплеј, од средната класа. Исто како и Galaxy A90 5G, новиот модел го прескокнува исто така џекот за слушалки. 

Galaxy A91/Galaxy S10 Lite ќе има заден хоризонтален модул за камера, кој ќе изгледа ккао правоаголник, нешто што се планира да се вгради и кај Galaxy S11. Samsung изгледа дека планира да ја лансира новата Galaxy A-серија на 12 декември во Виетнам, каде најверојатно ќе дебитира и A91.