Google се промени, тие што треба да го спасат го напуштија бродот
Google со години е еден од најпосакуваните работодавци, вработените работат на проекти што го менуваат светот. Имаат одлични приходи, а компанијата е позната и по својата позитивна култура и слоганот „не биди лош“.
Нештата со текот на времето се променија и во последно време од Google се почесто доаѓаат информации за незадоволни вработени, на кои не им се допаѓа насоката кон која компанијата се движи. Се уште сме шокирани како Пејџ и Брин го пуштија „таткото на Android", Енди Рубин, да замине од компанијата на мирен начин, побогат за 90 милиони долари, и покрај обвинувањата за сексуалното злоставување.
Вработените се побунија за договорот што Google го склучи со војската околу користењето на вештачката интелигенција, како и поради неодамнешните откази од некои вработени. Од Google тврдат дека до прекин на работниот однос дошло затоа што пристапувале кон документи што биле забранети, а тие тврдат дека без работа останале затоа што се обиделе да ги заштитат правата на вработените и да се изборат за подобри работни услови.