Сакате да користите Facebook Messenger без Facebook? Не може!
Објавено на 28.12.2019 во Новости
Facebook поседува неколку платформи за допишување во своја сопственост, а Facebook Messenger долго време беше дел од Facebook и за негово користење беше потребен Facebook профил. Потоа Facebook ја раздели апликацијата за социјалната мрежа од апликацијата за допишување и им овозможи на корисниците да користат Facebook Messenger без отварање профил на Facebook.
Многумина ја искористија оваа можност и останаа во контакт со пријателите и фамилијата само на Facebook Messenger, без да го користат Facebook. И на тоа му дојде крај. Новите корисници што сакаат да користат Facebook Messenger нема да може да пристапат без Facebook профил.
Текстот не смее да се печати или емитува, во целина или во делови без договор со Telefoni.mk.