Сакате да гледате YouTube или Netflix во HD? Содржината ќе биде со намален квалитет
Епидемијата од коронавирусот не ги оптеретува телеоператорите и нивната инфраструктура, туку и сервисите на YouTube. Милиони луѓе што поради епидемијата се приморани да останат дома, времето го минуваат со гледање на видеа.
Тоа доведува до гушење на интернет врските и преоптеретување, па во YouTube одлучиле да го намалат квалитетот на своите видеа, а со тоа и нивната големина, со цел корисниците и понатаму да може постојано да уживаат.
YouTube соопштува дека намалување на квалитетот на прикажување се однесува за ЕУ и Велика Британија во следните месец дена. Потоа Google ќе ја ревидира одлуката. Netflix веќе го намали квалитетот на своите видеа и проценува дека тоа ќе го олесни користењето на платформата до 25%. Истакнуваат дека намалениот квалитет ќе го забележат одредени корисници што исклучиво ја гледаат нивната содржина во висока резолуција, додека за останатите корисници се ќе остане исто.
