Google вети 800 милиони долари за борба со корона вирусот
Google се обврза дека ќе донира 800 милиони американски долари за борба со корона вирусот кој предизвика глобална пандемија и наметната општествена изолација што удри силно врз економијата која веќе е во рецесија.
Според планот на Google околу 250 милиони долари ќе бидат издвоени за Светската здравствена организација во грантови за реклами, околу 100 милиони долари за здравствени и владини институции ширум светот за обезбедување на соодветни информации за превенција на КОВИД-19 болеста, пота 20 милиони долари во реклами за невладините организации за повици за добротворни акции.
Google планира да подели и околу 200 милиони долари за мали и средни компании кои се погодени од кризата со корона вирусот, 340 милиони долари кредит во реклами за мали и средни компании кои имале активен профил повеќе од една година, како и 20 милиони долари во користење на Google Cloud за образовни и академски институции за истражувања поврзани со пандемијата.