Instagram Lite повеќе не е достапна за корисниците

Објавено на 13.05.2020 во Новости



Instagram Lite повеќе не е достапна за корисниците

Facebook целосно ја повлече мобилната апликација Instagram Lite која нудеше скратена верзија на социјалната мрежа за споделување слики и видеа. Instagram Lite повеќе не може да се инсталира од Play Store, а корисниците се упатени да ја преземат целосната верзија на апликацијата.

Instagram Lite тежеше само половина мегабајт и беше наменета за корисници кои имаат или постари модели на смартфони или уреди со ограничени хардверски и интернет перформанси.

Компромисот беше направен со тоа што преку Instagram Lite не можеше да праќате директно пораки, ниту пак да гледате видеа преку IGTV. Во наредниот период Facebook можеби ќе развие нова верзија на Instagram Lite но, засега може да се користи само целосната верзија.