Sony претстави две верзии на PlayStation 5

Објавено на 13.06.2020 во Игри



Sony претстави две верзии на PlayStation 5

Sony конечно го претстави PlayStation 5, кој доаѓа во ново руво - бела боја, DualSense контролер опремен со хаптичка технологија, што им овозможува на играчите да ја „осетат“ играта со можност за подесување на осетливоста. Така играчите ќе може да го подесат контролерот по своите навики.

Особено интересна е информацијата дека PS5 доаѓа во две верзии: една дигитална без читач на дискови и другата со читач на дискови. Не е јасно дали тоа е единствената разлика меѓу верзиите или ќе има уште. Веќе е познато дали PS5 пристигнува со SSD диск, се знае дека ќе има капацитет за читање на 4K Ultra HD Blu Ray дискови до 100GB, што сугерира и дека самите игри ќе бидат толку големи. 

Освен тоа, знаеме и дека ќе користи Ray Tracing 3D аудио и нови технологии за приказ на слика. Освен самиот PS5, Sony претставил и цела низа дополнителни уреди меѓу кои е HD камерата со резолуција од 1080p, безжични очила со 3D аудио поддршка и станица за полнење на DualSense контролерите. Sony не открива кога ќе биде достапна новата конзола и која ќе биде цената.

Се очекува да биде достапна кон крајот на 2020 година. Меѓу потврдените игри се: Spiderman: Miles Morales, Gran Turismo 7, Ratchet and Clank Rift Apart, Project Athia, Returnal, Sack Boy, Destruction Allstars, Kena Bridge of Spirits, Oddworld Soulstorm, Ghostwire Tokyo, Jett: The Fat Shore, God Fall, Astro's Playground, Little Devil Inside, Demon's Souls, Deathloop, Horizon Forbidden West, и бројни други што излегуваат во 2021. година, како Hitman 3, Goodbye Volcano High и Stray.