Xiaomi и Lamborghini ги здружија силите и направија мала формула

Кинескиот електронски џин Xiaomi е познат по своите смартфони, носечките и домашните уреди, но наскоро може да стане познат и по своите електрични возила. Xiaomi ги здружи силите со италијанскиот производител на спортски автомобили Lamborghini, со цел да креира електрично возило за кое можеме само да сонуваме.

Многумина мислеа дека Lamborghini работи на електричен спортски автомобил за кинескиот пазар, но се работи за електрилно go-kart возило, кое ќе биде комбинација од Lamborghini GoKart и електричниот скутер на Xiaomi со две тркала - Ninebot. Така скутерот може да се оддели и да функционира посебно. Ninebot GoKart Pro Lamborghini се нарекува возилото официјално, кое ги има класичните елементи на Lamborghini со жолта боја и спортска линија, но дизајниран е со технологијата на Xiaomi под хауба.