Xor ќе биде новиот луксузен смартфон во духот на Vertu
Пазарот за луксузни екстра скапи мобилни телефони се уште опстојува, па дури и во време на светска криза предизвикана од пандемијата со корона вирусот. Новиот претендент во оваа класа ќе биде брендот Xor кој ќе настапи во духот на Vertu.
Xor всушност е и формиран од страна на поранешни вработени и дизајнери на Vertu, па сосема разбирливо е дека и нивниот нов мобилен телефон ќе ги следи сличните шеми, на луксузно изработен уред со најскапи материјали како титаниум и секако неизбежното злато во маската.
Новиот модел Xor Titanium ќе се продава по цена од околу 4000 евра, AES256 енкрипција на сите повици и пораки, батерија која ќе трае до пет дена активна работа и специјално копче кое откако еднаш ќе го притиснете веднаш ќе ги избрише сите податоци на уредот.