Acer тивко го најавува Allegro со Windows Phone
Објавено на 28.10.2011 во Новости
Како по обичај, Acer не креваат многу галама за најновите производи, така и сега без многу бука го најавија најновиот смартфон наречен Allegro.
Овој смартфон е првиот телефон на компанијата кој доаѓа со оперативен систем од Microsoft, односно се работи за Windows Phone 7.5.
За тој да работи одлично се грижат Qualcomm процесорот на 1GHz и RAM меморијата од 512MB, а внатрешната меморија изнесува 8GB. За сликата е тука 3,6 инчниот LCD екран со WVGA резолуција, а фотографиите до него доаѓаат од камерата од 5 мегапиксели која се наоѓа на задниот дел од телефонот.
.jpg)
Од задната страна, под оклопот, ќе наидете и на батерија од 1300 mAh. Цел овој дизајн е сместен во тело со димензии од 116 x 59 x 13 мм и тежина од 126 грама.
Смартфонот во Европа ќе дојде на средина од ноември, а ќе има и избор во повеќе бои. Во случај да ве интересира, ќе чини 299 евра.
Текстот не смее да се печати или емитува, во целина или во делови без договор со Telefoni.mk.
