Кинезите работат на вакцина за „вечна младост“

Група на кинески научници работат на вакцина која треба да го третира генот за стареење на клетките и да успорат тој процес кај луѓето преку иновативна генетска технологија. 

Засега експериментите се вршат на глувчиња, но научниците велат дека целта им е еден ден да стигнат до фаза во која ќе може безбедно да тестираат т.н. вакцина за „вечна младост“ како во научно-фантастичните филмови која треба значително да го продолжи животниот век во староста.

И покрај фактот дека група на гени поврзани со стареењето досега им се познати на научниците, идентитетот и улогата на дополнителни гени вклучени во регулирањето на стареењето кај луѓето сè уште не се целосно објаснети.