Се повеќе гласини има за овогодинешните модели на iPhone 13
Иако претставувањето на iPhone 12 доцнеше во споредба со претходната година, како и секоја претходна пред iPhone 11, побарувачката за Apple смартфоните никогаш не била поголема досега. Јасно е дека Тим Кук и екипата немаат премногу време за уживање во добрите резултати, при што во брзиот свет во којшто живееме секогаш треба да се оди напред, оти конкуренцијата е секогаш закана.
Веќе се спрема нешто во кујната на Apple, четири нови модели на iPhone 13 треба да бидат претставени во септември. Што да очекуваме од iPhone 13 и 13 Pro? Always-on DISPLAY ќе биде една од опциите за постојан приказ на часовникот и батеријата, како и известувања за апликациите. Apple веќе ја претстави оваа опција кај последните модели на часовници, но сега ја очекуваме и на смартфоните.
Екранот би требало да добие 120Hz освежување, но само кај моделите iPhone 13 Pro и Pro Max. Се очекува побрз процесор и подобра графика, подобрена ултраширока камера и подобра камера за астрофотографија. iPhone 13 би требало да донесе поцврсти магнети за MagSafe, преку кои ќе може да се поврзувате полесно и Touch ID, сензорот за отклучување под екранот на телефонот, што веќе ја има кај Android.