Google Pixel Fold: Кога излегува, цена, дизајн и спецификации

Android 12 Beta беше пуштена во мај, па така почнавме да добиваме и информации за смартфоните на Google: "Passport (Pixel foldable) – GPQ72". Се разбира, тоа е преклопниот смартфон на Google, кој веројатно ќе се нарекува Google Pixel Fold или Google Pixel Passport. Google Pixel Fold би требало да излезе во последното тримесечје на 2021 година, со цена пониска од $1,999. 

Патент апликацијата што ја поднел Google во април 2020 демонстрира дека дизајнот ќе биде во облик на отварање на книга, што е дизајн сличен на Z Fold. Патентот бил фокусиран на механизмот на отварање на смартфонот, на што Google напорно работел. Се разбира, ова не е официјалниот дизајн на Pixel Fold, туку нешто што експертите го прогнозираат. 

Google Pixel Fold ќе биде со флексибилен 7.6-инчен OLED дисплеј, произведен од Samsung, кој ќе може да се преклопи со два еднакви дела. Се очекува Google Pixel Fold да има и помал, секундарен, надворешен екран, кој ќе биде достапен за корисникот во секое време. Google Pixel Fold ќе биде со Android 12 софтвер.