Lenovo ја лансираше новата серија на таблети за работа и забава на MWC 2021
На Mobile World Congress во Барселона, Lenovo ги претстави Lenovo Yoga Tab 13, Lenovo Yoga Tab 11, Lenovo Tab P11 Plus и Lenovo Smart Clock 2.
Yoga Tab 13 доаѓа со дизајн од нерѓосувачки челик, за работа во секакви услови и имате Lenovo Precision Pen 2 за цртање или пишување. Постои можност за употреба на таблетот без раце, како и смарт најава преку предната камера од 8MP. Таблетот има издржлива батерија што овозможува автономија до 12 часа. 13 инчениот 2K LTPS LCD екран има Dolby Vision HDR за детална слика, има четири JBL звучници и постигнува перформанси до 450Hz. Под хауба има 8 јадрен Qualcomm Snapdragon 870 процесор и 8GB LPDDR5 меморија. Таблетот има и секундарен екран и со компјутер може да се поврзе преку mikro-HDMI/USB кабел.
Yoga Tab 11 има опционална LTE верзија, под хауба има 8-јадрен MediaTek Helio G90T процесор со мемориски чип на база на UFS, доаѓа со Google простор за деца, кој што овозможува вклучување на детски режим на работа, со цел безгрижно да може да открива библиотека со квалитетна содржина. 11-инчениот 2K IPS TDDI (Touch Display Driver Integration) екран има Dolby Vision и доаѓа со нерѓосувачки челик.
Серијата на таблетите ја заклучуваат Lenovo Tab P11 Plus, Lenovo Tab M7 (3-генерација) и Lenovo Tab M8 (3-генерација).
Lenovo Tab P11 Plus располага со 11-инчен екран (2000 x 1200), четири звучници со Dolby Atmos, и 8-јадрен MediaTek G90T процесор со 6GB меморија. Батеријата овозможува автономија до 12 часа, а оние што ќе го користат за работа, може да се додаде и Lenovo тастатура.
Lenovo Tab M7 и поголемиот Lenovo Tab M8 се дизајнирани за оптимизација со амбиентален начин на работа преку Google Assistant преку смарт станици за полнење. Lenovo го претстави и новиот Lenovo Smart Clock 2 што може да се поврзе со опционален безжичен полнач за телефон, за оние што не сакаат да имаат неред во ноќниот ормар или во работната соба. Неговата надворешност е направена од мека ткаенина од органски изглед, во три модерни бои. Опремен е со 4-инчен екран чувствителен на допир со кој што може да се менува изгледот на интерфејсот. Таблетите на Lenovo ќе станат достапни во текот на летото, а Smart Clock 2 од август.
