Samsung Galaxy Watch 4 и Watch 4 Classic тизери објавени на Twitter
Објавени се нови тизери за Samsung Galaxy Watch 4 и Watch 4 Classic на Twitter, кои може да ги погледнете на овој линк. На видеата можеме да го видиме интерфејсот на следните смартчасовници, кој ги демонстрира сите алатки на смартчасовниците на SAMSUNG.
Имаме уште две недели додека Samsung да го отвори Unpacked евентот на 11 август, кога ќе ги открие Z Fold 3, Z Flip 3, и двата смартчасовника Galaxy Watch 4 и Galaxy Watch 4 Classic. Watch 4 е наследникот на Active 2, а Galaxy Watch 4 Classic е наследникот на Galaxy Watch 3.
Двата модела на смартчасовници се очекува да имаат одлични фитнес и здравствени алатки за мониторирање: Body Composition Analysis, Advanced Sleep, V02 Max, Blood Oxygen Monitoring, Heart Rate Monitor и Sleep monitoring. Tizen веќе го нема овде, затоа што ќе го имаат новиот One UI Watch, што овозможува поширок избор на апликации. Двата смартчасовника би требало да излезат во продажба на 27 август, а нивните цени би требало да бидат следните: Galaxy Watch 4 40мм Bluetooth верзијата 310 долари, а Galaxy Watch 4 Classic 42мм верзијата 430 долари.
