Вработени заминуваат од Blue Origin во SpaceX!?

После успешниот вселенски лет на Џеф Безос пред еден месец, се очекуваше дека ситуацијата во Blue Origin ќе биде оптимистична и дека ќе ги спрема новите проекти и вселенските летови. Како што пренесуваат медиумите, моментално во прв план се две нешта. Тужбата што ја подигнале против НАСА и отказите од работа.

Во минатите неколку месеци неколку директори, менаџери и инженери ја напуштија компанијата, при што Безос најмногу го боли фактот што сега овие луѓе работата за неговиот најголем конкурент, SpaceX, во сопственост на Илон Маск. Најпознатите имиња што работеа кај Безос, а сега се кај Илон Маск се астронаутот Џеф Ешби, поранешен астронаут од НАСА, Боб Ес и Стив Бенет, постариот потпретседател на програмата за лансирање New Shepard.