SpaceX го одложи новото лансирање на ракета во вселената

Илон Маск најави дека SpaceX оваа година ќе го собори рекордот по бројот на лансирања на ракети и ако се се одвива според планот, во текот на годината секоја недела ќе лансираат по една ракета. Бројни предизвици има пред таквиот план, а искуството не научи дека најавите на Маск не се реализираат секогаш како што тој ќе каже.

SpaceX беше на добар пат да лансира уште еден Falcon 9 од Cape Canaveral, кој требаше да ги однесе радарите во италијанската вселенска агенција во орбитата. Во четврток, петок и сабота лансирањето беше одложено поради лошото време, но за неделата беше се спремно. Сепак и тогаш времето не беше погодно, па така по четврти пат беше одложено лансирањето на Falcon 9 во орбитата.