Moto G22 пристигнува со главна камера од 50MP и екран од 90Hz

Motorola ќе објави уште еден Moto смартфон од средната класа, кој има екран од 90Hz, камера од 50MP, батерија од 5.000mAh, кој се очекува да спаѓа во ценовно прифатлив ранг и ќе чини само 140 евра. Max Vision екранот ќе биде со големина од 6,5-инчи, резолуција од 1.600 x 720 пиксели и 90Hz.

Главната предност на Moto G22 ќе биде неговата камера, со главен сензор од 50MP, ултраширок сензор од 8MP со отвор од f/2.2, сензор за длабочина од 2MP f/2.4 и макро сензор од 2MP f/2.4. Под хауба е со 8-јадрен MediaTek Helio G37 процесор, со четири A53 јадра со 2,3GHz и четири A53 јадра со 1,8GHz.

Во комбинација со 4GB RAM и 64/128GB внатрешна меморија, ќе има влез за MicroSD картичка и 3,5мм џек за слушалки. Предната камера изнесува 16MP и доаѓа со прединсталиран Android 12, со поддршка за брзо полнење од 15W и странично поставен скенер за отпечатоци на прсти.