OnePlus Nord 2T официјално лансиран на глобално ниво: Екран од 90Hz, 80W полнење и ниска цена

OnePlus Nord 2T и OnePlus Nord CE 2 Lite официјално се лансирани глобално, кои пристигнуваат со нов дизајн, ниски цени и одлични спецификации. Nord 2T има интересен модул на камерата, 6.43-инчен 90Hz AMOLED панел со FHD+ резолуција и Gorilla Glass 5 заштита на стаклото.

OnePlus Nord 2T има тројна камера со главен сензор од 50MP f/1.6 Sony IMX766 и OIS (optical image stabilization) технологија, има ултра-широк сензор од 8MP и 2MP сензор за длабочина. Видеа може да се снимаат со резолуција 4K 30fps.

Предната камера изнесува 32MP, под хауба има MediaTek Dimensity 1300 процесор, 8GB / 12GB RAM меморија и 128GB / 256GB внатрешна меморија, со 5G конекција и Bluetooth 5.2. 

OnePlus Nord 2T има Android 12 оперативен систем и OxygenOS 12.1 кориснички интерфејс, 4,500mAh батерија, 80W полнење и чини 400 евра за почетната цена.