Motorola сака да го прејде Samsung со откривањето на RAZR 3 на 2 август

Новиот преклопен смартфон RAZR 3 ќе биде откриен на 2 август од Motorola, пред Samsung да го открие новиот Galaxy Z Flip 4 на 10 август. Motorola официјално објави тизер дека новиот RAZR модел излегува на 2 август. На истата дата, излегува Moto X30 Pro со 200MP камера. 

Motorola RAZR 3 доаѓа со поголем надворешен дисплеј Snapdragon 8+ Gen 1 процесор, поголема батерија, подобрена камера, 12GB + 512GB меморија и екран од 6.7-инчи. RAZR 3 ќе има 120Hz екран, 50MP главен сензор на камерата, 13MP за широки и макро слики и 32MP селфи камера. Razr 3 ќе биде на почетокот достапен за купување само во Кина, а понатаму се очекува да пристигне и во Европа.

Moto X30 Pro ќе биде со 200MP сензор, плус 50MP + 12MP. 6.67-инчениот заоблен AMOLED дисплеј со 144Hz и Snapdragon 8+ Gen 1, 12GB + 512GB меморија, 125W брзина на полнење преку кабел или безжично полнење со 50W. Цената на уредот би требало да биде околу €899 . Moto X30 Pro годинава ќе биде глобално лансиран, исто како и Motorola Edge 30 Ultra.