Новото Volvo EX90 доаѓа со технологија што препознава пијан возач
Volvo се ориентира кон електричната мобилност, а во меѓувреме се посветени кон иновации. Третиот електричен модел годинава - EX90, кој што допрва ќе биде претставен, ќе има најнапреден сензорски систем на пазарот.
Volvo EX90 ќе биде со осум камери, дури 16 ултразвучни сензори, пет радари и LiDAR поставен на кровот на возилото. Надворешните камери и сензори би требало да им помогнат на возачите во снаоѓањето во сообраќајот, избегнување на други автомобили, пешаци и други напредвидени ситуации, додека внатрешните камери и сензори се поставени со цел да го следат возачот и неговото однесување.
Ако системот на сензори и камери забележат дека возачот не е фокусиран на сообраќајот или дека е пијан, автомобилот му испраќа предупредување. Ако возачот не одговори на ова прашање, тоа ќе биде знак дека можеби не е нешто во ред, или дека е под влијание на алкохол. Во тој случај, автомобилот ќе забави и ќе запре на крајот на патот со сите вклучени четири светла.