Основачот на Twitter развива нова апликација што ќе му конкурира на Twitter
Иднината на Twitter и понатаму е под знак прашалник. Илон Маск постојано го менува мислењето и очигледно сака да се извади од мрежата на Twitter, во која што самиот се заплетка. Bluesky ќе биде новата апликација што ќе биде конкурентна на оваа мрежа, а неодамна започна тестирањето.
Лансирање на новата апликација се очекува наскоро, а интересно е тоа што нејзиниот развој започнал во самиот Twitter. За време на пандемијата е започната нова платформа во Twitter, во која што Twitter нема никаков удел, туку била во сопственост на девелоперите, кои што се здружиле со непрофитна иницијатива.
За развојот е најмногу заслужен еден од основачите на Twitter и долгогодишниот директор, Џек Дорси. Bluesky е апликација изработена со децентрализиран протокол, каде што корисничките податоци би биле безбедни од влијание на државата, кои што ќе бидат контролирани исклучиво од корисниците, наместо корпорациите што ги комерцијализираат.