Новиот преклопен Honor Magic Vs доаѓа и во Европа со моќни перформанси
Honor претстави два нови уреда: преклопниот Honor Magic Vs, кој излегува и на европски пазар, и Honor 80, телефон за мулти-медиумска содржина. HONOR Magic Vs е со револуционерни иновации, исклучително корисничко искуство и елегантен дизајн, вели Џорџ Жао, извршниот директор на Honor.
„Honor Magic Vs ќе биде нашиот прв преклопен предводник, кој дебитира странските пазари и убедени сме дека ќе донесе голем напредок и ќе го промени начинот на кој луѓето низ светот ги користат смартфоните“, вели Жао.
Honor Magic Vs има батерија од 5000mAh и може да издржи до 400 илјади пати отварања. Има 6,45-инчен екран кога е преклопен и 7,9 инчи кога е расклопен. Honor Magic Vs има фреквенција на освежување од 120Hz, со две IMX800 главни камери од 54MP, ултра-широка камера од 50MP и 3X оптички зум и камера од 8MP. Под хауба има Qualcomm Snapdragon 8+ Gen 1 процесор, доаѓа со 8GB RAM + 256GB меморија или 12GB RAM меморија и 256/512GB внатрешна меморија.
Двојниот сигурносен систем Dual TEE (Trusted Execution Environment) е развиен во соработка со Qualcomm, кој им овозможува заштита на хардверско ниво за корисниците, има Honor MagicOS 7.0 кориснички интерфејс и Android 12,
Honor 80 и Honor 80 Pro се за сите креатори на мулти-медиумска содржина, додека оваа серија е опремена со AI Vlog Master за точно идентификување на сценариото за снимање и се препорачува за најсоодветен начин на снимање. Honor 80 серијата е со тројна задна камера со главен сензор од 160MP (1/1,56 инчи со пиксел од 2,24µm), а тука се и камерите со ултра-широка камера од 50MP (Honor 80 Pro) односно 8MP (Honor 80) и онаа од 2MP за длабочина на фотографиите. И овде имаме Qualcomm Snapdragon 8+ Gen 1 процесор, батерија од 4800mAh и Honor MagicOS 7.0 интерфејс.
