Google и Samsung ја демонстрираат моќта на Assistant кај Z Flip 4 на Times Square

Објавено на 12.12.2022 во Новости



Google и Samsung ја демонстрираат моќта на Assistant кај Z Flip 4 на Times Square

Моќна е поврзаноста на двата џина Samsung и Google, кои што ги здружија своите сили и одлучија да работат заедно. Ова е голема реткост, особено во светот на мобилната индустрија. Google и Samsung работат заедно во последните две години. 

Заедно го промовираат Wear OS оперативниот систем. Најновата реклама е на ударно место на Times Square, во срцето на Њујорк, кои направиле 3D анаморфен билборд. Рекламата се простира на огромен екран, кој ги демонстрира алатките на поевтиниот преклопен смартфон на Samsung - Galaxy Z Flip 4, и Google Assistant, едно од најдобрите постигнувања на Google.

На краткото анимирано видео се гледа како куче сака да си направи селфи со телефон што изгледа слично на iPhone, и така влегува раперот Лудакрис со Galaxy Z Flip 4, при што „iPhone“ паѓа. Раперот му вели на Google Assistant "Hey Google, play Stand Up by Ludacris," што изгледа како да го промовира YouTube Music. Следната команда е "Hey Google, take a selfie," со што Flip 4 го демонстира својот "Flex mode".