Samsung отвара нова ера во преклопниот пазар во 2023г.
Според The Elec следната година Samsung планира да произведе нешто ново во преклопната технологија. Компанијата ќе понуди преклопен лаптоп со 17.3-инчен OLED панел, кој ќе се преклопи во 13.3-инчен дисплеј. Наводно, овој лаптоп требало да излезе оваа година, но бил одложен од непознати причини.
Samsung ќе се натпреварува на пазарот на преклопни лаптопи со својот 17.3-инчен екран, додека Asus го има својот Asus ZenBook 17 Fold, кој што се преклопува од 17 на 12.6 инчи и чини 3,500 долари. Asus нарачал само 10,000 вакви панели за оваа година, што значи дека продажбата е се уште слаба во овој сегмент.
HP исто така работи на преклопен лаптоп со LG преклопен екран, кој исто така нарачал само 10,000 преклопни OLED панели од LG. Omdia прогнозира дека 4% од екраните за лаптопи следната година ќе бидат OLED и мал дел од нив ќе бидат преклопни. Samsung се очекува да произведен 8.5 милиони OLED лаптоп дисплеи следната година, во споредба со овогодинешните 5.9 милиони панели. Тоа е еднакво на зголемување од 44%.