OnePlus 11 пристигнува после Нова година со Snapdragon 8 Gen 2 процесор
OnePlus 11 ќе биде официјално откриен на 4 јануари во Кина, со глобално лансирање на 7 февруари. Иван Блес објавил нови слики на Twitter, заедно со слика од спецификациите. Од OnePlus 11 се очекува 6.7-инчен заоблен AMOLED дисплеј со QHD+ резолуција од 1440 x 3216 пиксели.
Под хауба ќе биде со Snapdragon 8 Gen 2 процесор, 12GB RAM меморија и 256GB внатрешна меморија, а ќе го има и со 16GB + 256GB и 16GB + 512GB меморија со најновиот LPDDR5X RAM чип и UFS 4.0 меморија.
Примарната камера ќе биде со Sony IMX890 сензор од 50MP, 48MP ултра-широка камера и 32MP телефото камера со 2x оптички зум. Предната камера ќе биде 16MP, батеријата ќе има капацитет од 5000mAh и брзина на полнење до 100W. Телефонот ќе биде со IP54 сертификат и ColorOS 13.0 кориснички интерфејс, базиран на Android 13.
