Samsung претставува нова линија на Neo QLED, MICRO LED и OLED телевизори за 2023 година

Објавено на 05.01.2023 во Новости



Samsung претставува нова линија на Neo QLED, MICRO LED и OLED телевизори за 2023 година

• Моделите Neo QLED, MICRO LED и Samsung OLED обезбедуваат премиум искуства и пошироки опции за гледање содржина

• Новите производи и функции за начин на живот, вклучувајќи ја технологијата Premiere 8K и Smart EDGE Blending на The Freestyle, обезбедуваат слобода во тоа како и кога го користите вашиот уред

• Линијата на производи на Samsung за 2023 година носи секојдневна одржливост со намалување на јаглеродниот отпечаток во текот на животниот циклус на производот

Samsung Electronics ги претстави најновите модели на Neo QLED, MICRO LED и OLED телевизори заедно со lifestyle уреди и додатоци пред CES® 2023, најголемиот технолошки саем. Овогодинешното портфолио носи напредни, иновативни уреди со фокус на подобрена поврзаност и персонализирани кориснички искуства.

Широкото портфолио на понуди на Samsung им помага на корисниците да создадат свои прилагодени искуства со уредите што ги користат секој ден со уште поинтелигентна технологија. Оваа година Samsung направи еден чекор напред во својот континуиран развој на патот кон поедноставување на секојдневниот живот на корисниците преку платформата SmartThings и беспрекорна интеграција на повеќе уреди во целиот екосистем за паметни домови.

„Во 2023 година, ги поместуваме границите на иновациите за да им понудиме на корисниците не само супериорна слика на екранот, туку и холистичко, премиум искуство на уредот, приспособено токму на она што им треба и сакаат во нивниот поврзан дом. Со апликацијата SmartThings, нашата напредна технологија е одлична и интуитивна, создавајќи поодржлив начин на живот кој е попристапен и попријатен секој ден“, рече Чиолџи Ким, извршен потпретседател за визуелни прикази во Samsung Electronics. „Со платформата SmartThings, нашата напредна технологија е совршена и интуитивна и го прави животот поодржлив, пристапен и поубав секој ден“.

Neo QLED – врвни и поврзани искуства

Најновите модели на Samsung Neo QLED 8K и 4K телевизори им овозможуваат на корисниците премиум функции кои се во согласност со нивните секојдневни потреби. Квалитетот на екранот на Neo QLED телевизорот се напојува со напредниот Samsung Neural Quantum Processor кој го поддржува Quantum Mini LED-lit телевизорот со 14-битна обработка и AI зголемување технологија, овозможувајќи функции како што се Shape Adaptive Light Control i Real Depth Enhancer Pro за тридимензионален, живописен приказ на слика.

Neo QLED од 2023 година, исто така, оди подалеку од само јасна слика. Со панел со висока резолуција и Samsung алгоритам, тој ја напојува новата функција Auto HDR Remastering која користи технологија за длабоко учење со AI технологија за да ги анализира и примени ефектите од High Dynamic Range (HDR) во реално време на Standard Dynamic Range (SDR) содржината на сцена-по-сценапринцип. Ова овозможува SDR дисплеите да бидат посветли и поживописни за максимално искуство и внес во содржината.

Дополнително, корисниците на SmartThings повеќе не треба да купуваат посебен SmartThings конектор за поврзување и контрола на уредите Zigbee и Thread. Во 2023 година, модулот SmartThings Zigbee & Matter Thread One-Chip ќе биде директно вграден во уредите на Samsung. За врвно поврзано искуство, платформата SmartThings автоматски ги синхронизира уредите за полесна контрола, не само уредите на Samsung, туку производите од трети страни и уредите за IoT.[1]

• ChatTogether: корисниците можат лесно да влезат во live chat-група за да споделуваат мислења, да реагираат и да разговараат во реално време со други кои исто така ја гледаат истата содржина.

• ConnecTime: Го олеснува преземањето видео повици од поврзаните уреди, обезбедувајќи поголема платформа за онлајн видео повици на телевизорот и непречена транзиција кон помал уред доколку корисникот сака да го напушти и да го пренесе повикот на друг екран.

• 3D Map View: Дизајниран да овозможи удобна контрола и следење на поврзаните уреди, Samsung 3D Map View им дава на корисниците поглед од птичја перспектива на нивниот дом и на сите нивни уреди SmartThings.

MICRO LED и Samsung OLED – проширени опции за гледање содржина

Линијата MICRO LED од 2023 година нуди модели на телевизори кои се движат од 50 до 140 инчи[2]со цел да им обезбеди на корисниците широк спектар на опции за неспоредлив квалитет на сликата на екранот, како и неверојатно искуство. Благодарение на својата модуларна природа, MICRO LED не е поврзан со форма, пропорција и големина, но може целосно да се прилагоди на корисникот и неговите желби. MICRO LED доаѓа без рамка, без оглед на конфигурацијата, така што границата помеѓу екранот и реалниот живот е речиси невидлива, мазна.

За да им овозможи на корисниците уште повеќе опции за гледање, Samsung OLED линијата за 2023 година сега е достапна во 55, 65 и нови ултра големи модели од 77 инчи. Најновите Samsung OLED модели доаѓаат со технологија Quantum Dot, која е развиена за Neo QLED телевизори, како и Neural Quantum Processors за да ја задржат сета моќ на OLED технологијата, а истовремено да ги поместуваат границите на осветленоста и прикажувањето на боите.

Проширената линија на уреди доаѓа со стапка на освежување од 144 Hz и сите паметни функции на Samsung, вклучувајќи го и Samsung Gaming Hub. За прв пат досега на OLED телевизор, OLED моделите на Samsung доаѓаат со AMD FreeSync Premium Pro сертификат за врвно искуство со OLED игри.

За да ги зголеми вашите опции за гледање содржина, Samsung ја нуди платформата Samsung TV Plus на сите свои паметни телевизори. Бесплатни ТВ-канали поддржани со реклами (FAST) и video-on-demandуслугите испорачуваат повеќе од 1.800 канали на глобално ниво, вклучувајќи 50 приватни и операторски канали, достигнувајќи до 24 земји и 465 милиони уреди ширум светот преку телевизори и паметни телефони Samsung. Тоа е 100% бесплатна платформа која не бара никакви преземања, претплати или дополнителни уреди.

Истражете го новиот свет на игри со Samsung Gaming Hub

Samsung Gaming Hub, новиот центар за игри на Samsung Smart телевизорите, им нуди на корисниците неограничен пристап до илјадници нивни омилени видео игри од партнери како што се Xbox, NVIDIA GeForce NOW, Amazon Luna и Utomik, без потреба од преземања, ограничувања за складирање или конзоли. Покрај тоа, ова е најинтуитивното гејмерско искуство каде што корисниците можат едноставно да ги вклучат своите телевизори и да играат.

Воведен минатата година, Samsung Gaming Hub носи неверојатен квалитет на сликата и целосно нов пристап кон игрите – опции за повеќе задачи, проширени партнерства и стримање во 4K. Гејмерите можат дури и да гледаат повеќе видови содржини во исто време.

Во 2023 година, надградбата на интерфејсот GameBar 3.0 со опциите за MiniMap Sharing[3]и Virtual Aim Point го збогатува искуството за секој тип на гејмери. MiniMap Sharing им овозможува на корисниците да прикажат „мини мапа“ од нивната видео игра на кој било екран, додека Virtual Aim Point е дизајнирана за акциони видео игри со стрелање од прво лице (FPS – first person shooter), обезбедувајќи позабележителен нишан за таргетирање на противниците и изведување на совршена акција .

Samsung Gaming Hub е достапен и на паметните монитори и гејмерските екрани на Samsung - вклучувајќи ја и линијата на уреди Odyssey. Со Odyssey Ark, гејмерите можат да го ротираат мониторот вертикално или хоризонтално врз основа на нивната претпочитана ориентација и да уживаат во извонредни видео игри со заоблен екран од 55 инчи 1000R со исклучително моќен звук.

Подобрете го вашиот животен стил со проширен опсег на Lifestyle уреди и нови функции

Животните потреби на корисниците постојано се менуваат. Според тоа, Samsung воведе новиlifestyleуреди и функции за да го подигне корисничкото искуство на следното ниво, овозможувајќи им на корисниците да го приспособат начинот на кој ја гледаат и доживуваат содржината на екранот.

•The Premiere 8K: Во 2023 година, Samsung претстави нова итерација на својот ласерски проектор - The Premiere 8K. Проекторот со ултра краток опсег сега доаѓа со модел 8K, обезбедувајќи го истиот ултра голем екран со уште поголема резолуција. Поддржува максимална големина на екранот од 150 инчи за масивен екран со соодветна резолуција со одличен квалитет.

•The Freestyle со Smart EDGE Blending Technology:The Freestyle е врвен, флексибилен уред кој им овозможува на корисниците да гледаат што сакаат без оглед на локацијата. Во 2023 година, корисниците ќе можат да ја искористат новата функција Smart EDGE Blending за да користат два уреди истовремено и да гледаат содржина во конфигурација 21:9 без рачно поставување или прилагодувања. The Freestyle 2023 ќе има и поддршка за Samsung Gaming Hub за уште поголема забава во движење.

•Нов интерфејс и додатоци:Во 2023 година, Samsung воведува нова и подобрена Art Store со функции, како што се preview at-a-glance и проширена понуда на содржини, кои го имитираат искуството од посета на галерија или музеј. Исто така, нова е опцијата за избор на метална рамка за The Frame TV за поелегантен и полуксузен изглед. Најновата линија на телевизор Samsung може да се монтира со помош на Auto Rotating Wall Mount & Stand опционалниот додаток што носи автоматско ротирање на екранот и вертикално доживување при гледањето, како што се на The Sero TV, на The Frame и Neo QLED.

Секојдневна одржливост со екраните на Samsung

Во согласност со најновата стратегија за заштита на животната средина претставена во 2022 година, Samsung посветено работи со своите партнери и корисници на еколошката свест, обезбедувајќи пошироко влијание во текот на животниот циклус на уредите. Како резултат на тоа, секој чекор е повеќе еколошки свесен, од поефикасен производствен процес до намалување на пакувањето и менување на начинот на кој корисниците ги користат своите уреди.

• Рециклирани материјали: за линијата на уреди за 2023 година, Samsung ќе замени 20% од носечките делови, што се користат за далечинскиот управувач SolarCell, со рециклирана пластика од океанот. Покрај тоа, главните делови на плочата за напојување користат рециклирани алуминиумски лименки и бакар, заменувајќи приближно 12% од употребените оригинални материјали.

• Намалување на влијанието на производните процеси: Samsung дизајнираше лесен калап за вбризгување кој бара помалку материјал и со структура што може да се пренамени, со што се намалува вкупната потрошувачка на енергија и ресурси потребни за производство.

• AI Energy Saving Mode: преку платформата SmartThings, телевизорите Samsung 2023 имаат поддршка за AI Energy Saving Mode за да им помогнат на корисниците да заштедат повеќе енергија користејќи нови опции. Услугата SmartThings Energy на телевизорите, исто така, помага да се намали јаглеродниот отпечаток на поврзаните уреди со едноставни промени, како што е автоматско префрлување на одредени уреди во Energy Saving Mode кога тие не се во употреба. Со 3D приказ на карта, ќе биде полесно да се постигне сеопфатен преглед на поврзаните уреди и да се имплементираат идеи за заштеда на енергија.

• Еколошка амбалажа: Во 2023 година, еколошката амбалажа на Samsung доаѓа со минимално печатење за да се троши помалку мастило во производството. Samsung ќе користи хартиена лента за да ја намали употребата на пластика во своето пакување, а дополнително ќе се намали и големината на пакувањето за да се намали вкупната емисија на јаглерод.

Повеќедимензионална акустична средина и квалитет на звук со AI

Извонредното искуство со приказот е надополнето со беспрекорен звук. Телевизорите на Samsung доаѓаат со импресивни вградени звучници, но вклучуваат и моќни аудио функции и уреди за да создадат уште подобро кинематографско доживување при гледањето.

• AI Sound Remastering: Во 2023 година, водечките телевизори и звучни ленти на Samsung ја нудат функцијата Sound Remastering, која користи вештачка интелигенција за „ремастерирање“ на секој звучен објект за да се осигура дека гласовите се јасни, амбиенталните звуци целосно ја опкружуваат просторијата и секоја компонента има правилно ниво на јачина на звук.

• Нови звучни ленти: Покрај водечкиот звучник HW-Q990C со звук од 11.1.4 канали и поддршка за Dolby Atmos, ултра тенката звучна лента HW-S800B нуди моќен, извонреден Dolby Atmos звук од уред со 3.1.2 канали кој е само 40 mm висока и 38 мм длабочина. Оваа звучна лента лесно се поставува до кој било телевизор и секогаш нуди јасен звук со длабок, продорен бас.

• Q-Symphony: Со нова итерација на хармонијата помеѓу телевизорот и звучната лента, функцијата Q-Symphony за 2023 година ќе овозможи значително подобрен звук. Така, звучната лента се поврзува со телевизорот и неговата Neural Processing Unit технологија за обработка за да ги анализира аудио сигналите и да го обработува секој поединечен звук за да создаде повеќе детали од кога било досега.

Во 2023 година, со спарување на Samsung TV и Samsung Soundbar, овие уреди ќе го понудат најмоќниот, приспособлив и персонализиран екосистем достапен до сега.

За да дознаете повеќе за производите кои Samsung ќе ги претстави на саемот CES 2023, посетете ја https://www.samsung.com/us/

Напомена: Сите функции, карактеристики, спецификации и други информации за производот дадени овде, вклучувајќи, но не ограничувајќи се на придобивките од производот, дизајнот, цените, компонентите, перформансите, достапноста и можностите, се предмет на промена без најава или обврска. Достапноста на горенаведените производи, услуги и функции може да се разликуваат во зависност од регионот.


[1]SmartThings ќе поддржува Matter и HCA во 2023 година. Ова ќе им овозможи на корисниците на платформата SmartThings беспрекорно да додаваат илјадници компатибилни уреди во нивната домашна средина SmartThings.

[2] Линијата Samsung MICRO LED TV ќе биде достапна во големини 50, 63, 76, 89, 101, 114 и 140 инчи за 2023 година.

[3] MiniMap Sharing ќе биде достапно преку ажурирање на софтверот во првата половина на 2023 година.