Qualcomm го претстави новиот Snapdragon X35 чип за евтини уреди

Qualcomm го претстави новиот 5G модем, наменет за евтини уреди со помал формат. Тоа ќе овозможи развој и примена на IoT во нови области. Snapdragon X35 5G Modem-RF System е компатибилен со NR-Light или намалена способност (RedCap), стандард 3GPP Release-17. 

Новиот процесор има нова 5G класа, која ја премостува празнината во сложениот процес меѓу брзите мобилни широко-појасни уреди и NB-IOT. NR-Light уредите може да бидат мали, исплатливи и да овозможат долготрајна батерија, благодарение на тоа што имаат едноставни системи и не се комплицирани. 

Чипот овозможува брзина на пренос на податоци до 220Mb/s и поради својата големина е соодветен за уреди како што се надзорните камери, IoT, носечки уреди или индустриски сензори. Snapdragon X35 е чип со најниска потрошувачка на енергија што е досега произведен, велат од Qualcomm. Тој е компатибилен со сите појаси на спектар до 6GHz, FDD и TDD појаси. Се очекува Snapdragon X35 и X32 да се најде во комерцијалните уреди во првата половина на 2024 година.