Samsung Galaxy A54 и Galaxy A34 ќе бидат претставени на 15 март
Стив Хемерстофер (@OnLeaks на Twitter) објави дека Samsung ќе ги презентира Galaxy A34 и Galaxy A54 на 15 март. Се уште нема официјално соопштение од компанијата, но веруваме дека на годишнината на Galaxy A53 и Galaxy A33(17 март, 2022), ќе бидат претставени новите модели, т.е. два дена порано.
Samsung Galaxy A54 ќе биде со новиот Exynos 1380 процесор, претставен пред една недела, 6.4-инчен Super AMOLED дисплеј со FHD+ резолуција и фреквенција од 120Hz. Под хауба ќе биде со 8GB RAM + 128GB ROM меморија, или со 256GB, без можност за microSD картичка. Samsung Galaxy A54 ќе биде со тројна камера од 50MP + 12MP + 5MP.
Galaxy A34 ќе биде со 6.6-инчен Super AMOLED дисплеј, FHD+ резолуција и 120Hz, MediaTek Dimensity 900 процесор, 6GB/8GB RAM + 128GB/256GB меморија. Galaxy A34 ќе биде со камера од 48MP + 8MP + 5MP и селфи камера од 13MP. Батеријата ќе биде 5,000mAh со 25W полнење, IP67 сертификат за водоотпорност, Android оперативен систем, со цена од €410 до €430, или €530 до €550 за Galaxy A54.
