Huawei ќе ги претстави P60 серијата и преклопниот Mate X3 на 23 март

Huawei не ја претстави P60 серијата за време на MWC конгресот. Следната предводничка серија на Huawei ќе биде откриена на 23 март: P60, Mate X3 преклопниот смартфон, FreeBuds 5 слушалките, Watch 4 и TalkBand B7. P60 серијата ќе ги има истите перформанси како Mate 50. Huawei XMAGE системот за фотографија ќе го има, со перископски леќи и 64MP OmniVision OMB 64B сензор за слики.

После дебитирањето со P30 Pro, Huawei ја враќа RYYB color matrix технологијата за телефото камерата, заменувајќи ги двата зелени пиксела со жолти. Тоа ќе овозможи одлични слики со оваа камера, со 40% поголема светлост кај сликите.

P60 Pro ќе биде со 6.6-инчен AMOLED дисплеј, произведен од BOE, 120Hz и QHD+ резолуција од 1440 x 3200 пиксели. Mate X3 ќе биде со големина на таблет, Huawei FreeBuds 5 се безжични мали слушалки со active noise cancellation, Huawei Watch 4 ќе биде првиот смартчасовник со сателитска комуникација за итни случаи, што значи дека корисниците ќе може да испраќаат SMS пораки без мобилна конекција. 

TalkBand B7 е нараквица која служи како Bluetooth слушалка.