IFA 2017: Alcatel направил премиум телефон од Idol 5

Објавено на 02.09.2017 во Новости



IFA 2017: Alcatel направил премиум телефон од Idol 5

Alcatel Idol 5 е конечно презентиран после еден месец откако беше објавен Idol 5s. Многу се слични, но сепак има некои разлики помеѓу Idol 5 и 5s. Двата имаат 2.5D заоблена стаклена и метална конструкција, со што изгледаат баш премиумски како што очекувавме. Дефинитивно има премиум чувство и премиум дизајн.

Телефони.мк известува во живо од IFA 2017 во Берлин, при што петката го претставија со 5.2-инчен full HD дисплеј, 8-јадрен MediaTek MT6753 процесор, 3GB RAM меморија и 16GB меморија за податоци. Софтверски има "app cloner" функција за клонирање на апликациите како што се Facebook, Instagram, FB Messenger, и Snapchat, во случај да имате два акаунта на истиот телефон. 

Задната камера на телефонот изнесува 13-мегапиксели со фазна детекција и автофокус, леќи со широчина од f/2.0, со 1.12µm големина на пиксели и 5-мегапиксели предна камера со LED блиц.

Се разбира, овој модел не е ѕвер за играње на игри со тешка графика, но дефинитивно има одлични перформанси со оглед на тоа што производителот му бара само 240 евра. Alcatel Idol 5 ќе биде достапен само во метал-сребрена и метал-црна боја. 





 
Најнови телефони
 
  • iPhone 8 Plus
  • iPhone X
  • iPhone 7 Plus
  • P9 Plus
  • P10
  • Galaxy S8 Plus
  • Galaxy S8
  • Note 7
  • Galaxy C7
  • Desire 10 Lifestyle
 


{}