Huawei Mate X3 има потенок дизајн и подобар е од iPhone 14 Pro Max

Објавено на 25.03.2023 во Преклопни уреди



Huawei Mate X3 има потенок дизајн и подобар е од iPhone 14 Pro Max

Huawei Mate X3 е најновиот преклопен смартфон на кинескиот бренд и се затвара исто како Galaxy Z Fold 4. Неговиот екстерен екран изнесува 6.4 инчи и кога се отвара има 7.85-инчи. Двата екрана се со 120Hz . Со дебелина од 5.3мм, кога е затворен телефонот е потенок и поубав од iPhone 14 Pro Max. Mate X3 има поддршка за допишување преку сателит, во области каде што нема мобилна конекција.

Резолуцијата на екстерниот екран изнесува 1080 x 2504 пиксели, додека поголемиот екран е со 2224 x 2496 резолуција. Mate X3 го носи Snapdragon 8+ Gen 1 процесорот, кој е модифициран со 4G LTE сигнал. Камерата има 50MP главен сензор, 13MP ултра-широк сензор и 12MP перископска камера со 5x оптички зум. Има и еден пар на 8MP селфи камери.

Huawei преклопниот смартфон располага со IPX8 сертификат за водоотпорност, до 1.5 метри длабочина, до 30 минути. Батеријата има капацитет од 4800mAh, со брзина на полнење од 66W и 50W безжично полнење. Цената на Mate X3 почнува од $1,900 со 12GB RAM + 256GB меморија, $2,050 со 512GB меморија, или 1TB за $2,340.