OnePlus ги потврди Nord CE 3 Lite и Nord Buds 2 за 4 април

Објавено на 25.03.2023 во Новости



OnePlus ги потврди Nord CE 3 Lite и Nord Buds 2 за 4 април

OnePlus на 4 април официјално ќе ги открие OnePlus Nord CE 3 Lite и Nord Buds 2, кои што ќе бидат ценовно прифатливи. OnePlus веќе објави слики на својата веб страница, но се уште немаме официјални информации за перформансите.

Nord CE 3 Lite 5G ќе биде достапен во зелена-лимета боја, додека Nord Buds 2 ќе ги има во црна и бела боја. OnePlus Nord CE 3 Lite 5G располага со огромен 6.7-инчен full HD+ LCD дисплеј со 120Hz и масивна батерија од 5,000mAh, со 67W брзо полнење.

Под хауба Nord CE 3 Lite 5 ќе има Qualcomm Snapdragon 695 5G процесор, 6/8GB RAM, и 128/256GB внатрешна меморија. Од задната страна ќе има тројна камера од 108MP+2MP+2MP, додека предната со 16MP сензор. 

Телефонот доаѓа со OxygenOS 13 кориснички интерфејс, базиран на Android 13 со страничен сензор за отпечатоци.