OnePlus Open ќе се вика преклопниот телефон резервиран за 29 август!?
Објавено на 18.07.2023 во Преклопни уреди
Макс Џамбор е доверлив дојавувач, кој тврди дека OnePlus веќе има официјална дата за објава на новиот преклопен смартфон - 29 август. Местото на најава ќе биде Њујорк, а новиот модел нема да ја содржи додавката "Fold" или слично, туку ќе се нарекува OnePlus Open.
OnePlus го обезбедил брендот OnePlus Open уште од мај, заедно со другите заштитни имиња: Prime, Wing, Peak, и Edge. Изгледа дека OnePlus Open ќе биде избраното име за нивниот преклопен модел. OnePlus Open се очекува да пристигне со 7.8 инчен AMOLED дисплеј, со резолуција од 2560 x 1440 пиксели (QHD) и 120Hz. Задната камера ќе биде со два сензора од 48MP + 64MP, додека предната ќе биде со 32MP.
Текстот не смее да се печати или емитува, во целина или во делови без договор со Telefoni.mk.
