Threads е достапен во над 100 земји, но за Европа се уште нема ништо

Threads е новата апликација на Meta, за која што сега се пишува на големо. Апликацијата е веќе достапна во повеќе од 100 земји, вклучувајќи ги САД и Велика Британија, но Европа се уште не е на списокот. Не може да се користи во Европа ниту преку VPN, затоа што Meta ги блокира корисниците во европските земји да користат Threads преку VPN.

Тоа значи дека може да имате профил, но другите профили и содржините не се вчитуваат, а известувањата не работат. „Threads во моментов не се достапни во повеќето европски земји и презедовме дополнителни мерки за да ги спречиме луѓето од тие земји да пристапуваат до платформата. Европа продолжува да биде многу важен пазар за Meta и се надеваме дека ќе можеме да ги донесеме Threads во повеќе земји во иднина“, велат од Meta.