Samsung Galaxy Z Fold 5: Официјално објавен со слот за S Pen и Snapdragon 8 Gen 2 for Galaxy

Објавено на 26.07.2023 во Преклопни уреди



Samsung Galaxy Z Fold 5: Официјално објавен со слот за S Pen и Snapdragon 8 Gen 2 for Galaxy

Samsung Galaxy Z Fold 5 конечно е официјално откриен во Сеул, како дел од големиот Galaxy Unpacked евент. Galaxy Z Fold 5 се одликува со нов механизам за отварање и сега нема да има аномалии во овој сегмент како оние што претходно се појавија. Истото важи и за Samsung Z Flip 5.

Galaxy Z Fold 5 ќе биде за 9 грами полесен во споредба со Z Fold 4 и со димензии: 154.9 x 129.9 x 6.1мм кога е отворен, или 154.9 x 67.1 x 13.4мм кога е затворен. Екстерниот дисплеј изнесува 6.2-инчи, ист како кај Galaxy Z Fold 4 или 7.6-инчи кога е отворен. Новиот преклопен телефон добива IP5X сертификат за водоотпорност и отпорност на прашина, што е еднакво на издржливост под вода до 30 минути во слатка вода. 

Слот за S Pen ќе има кај Galaxy Z Fold 5, но нема да го има стилусот, за што ќе треба доплата. Под хауба Samsung Galaxy Z Fold 5 има вграден специјален Snapdragon 8 Gen 2 for Galaxy процесор, што го има и кај Galaxy S23 Ultra, со 3.36GHz фреквенција на премиум јадрата, 12GB RAM, меморија и повеќе верзии со внатрешна меморија, почнувајќи од 256GB.

Главниот сензор на задната камера ќе биде Samsung 50MP ISOCELL GN3. Galaxy Z Fold 5 е достапен во повеќе верзии, односно 12/256GB верзија, 12/512GB и 12/1TB. Што велите?

Автор: Aleksandar Stankov