Samsung Galaxy Watch6 и Galaxy Watch6 Classic: Инспирација за најдобрата верзија од себе
Новата серија часовници, Galaxy Watch 6, обезбедува персонализирани здравствени насоки и совети, подобрувања во дизајнот и подобрено искуство со мобилни телефони за да бидете повеќе информирани и здрави.
Скопје, 26 јули 2023 - Samsung Electronics денес ги претстави новите часовници¹ Galaxy Watch6 и Galaxy Watch6 Classic, дизајнирани да им помогнат на корисниците да развијат поздрави навики во текот на денот и ноќта². Серијата Galaxy Watch 6 има сеопфатен опсег на функции поврзани со здравјето и моќни перформанси со префинет и елегантен дизајн, чии главни карактеристики се потенка рамка, поголем и поживописен екран и поинтерактивен кориснички интерфејсᶾ. И двата модели на корисниците им нудат уште поголем избор на лица за часовниците, како и нови опции за ремени, помагајќи им да ги постигнат своите цели.
„Со новите Galaxy Watch6 и Galaxy Watch6 Classic часовници, ја демонстрираме нашата посветеност да ги направиме напредните алатки за следење на здравјето достапни за секого, сега со полесен пристап директно од рачниот зглоб“, рече ТМ Рох, Претседател и шеф за Мобилно искуство (MX) во Samsung Electronics. „Од совети за спиење и општи фитнес совети, до информации за исхрана, Samsung нуди нови и лесни начини за корисниците да добијат увид и да преземат чекори кон подобро здравје и благосостојба, и дење и ноќе“.
Персонализирани совети за подобро здравје – почнувајќи од сонот⁴
Серијата Galaxy Watch6 обезбедува корисни совети кои можат да доведат до позитивни промени во животниот стил и нуди персонализирани и конкретни увиди, предлози и охрабрувања. Бидејќи доброто здравје започнува со добар сон, Samsung им помага на корисниците да ја подобрат ноќта на ист начин како што го подобруваат денот, со фокусирање на три клучни елементи за подобар сон: разбирање на личните шеми на спиење, развивање подобри навики и создавање средина погодна за спиење.
Потпирајќи се на водечките карактеристики за спиење и благосостојба во индустријата, серијата Galaxy Watch6 сега нуди длабинска анализа на факторите за резултатите на спиењето⁵ - вкупно време на спиење, циклус на спиење, време на будење, плус физичко и ментално закрепнување - за да им помогне на корисниците да го разберат квалитетот на спиењето што го добиваат секоја вечер. Поперсонализираните пораки за спиење⁵, развиени во соработка со Националната фондација за сон, исто така им обезбедуваат на корисниците детални информации за квалитетот на спиењето секое утро. Дополнително, Galaxy Watch6 нуди следење на постојаноста на спиењето што го покажува континуираното време на спиење и будење на корисникот, како и симбол за спиење во облик на животно кој го претставува нивниот тип на спиење⁶.
Подобрената функција совети за сон⁶ им овозможува на корисниците да преземат акција врз основа на увидите во спиењето со приспособени совети, препораки и потсетници достапни и на зглобот и на паметниот телефон. Кога е време за спиење, часовникот Galaxy Watch6 може да помогне да се постави совршено опкружување за спиење со автоматско менување на поставките на поврзаната домашна електроника⁷ и вклучување на режимот за сон на часовникот и телефонот⁸ на корисникот за да се стишат известувањата, затемнети екрани, па дури и да се активира невидливиот LED инфрацрвен сензор на часовникот за скапоцени увиди за спиење без дополнително одвлекување на вниманието на осветлувањето.
Фитнес карактеристиките стануваат се повеќе персонализирани за да ги одржуваат корисниците постојано мотивирани. Функцијата Составот на телото⁹, нуди клучни физички мерења како што се мерења на скелетните мускули, стапката на базален метаболизам и процентот на телесна вода и телесните масти, нуди целосен преглед на телото и целокупната кондиција на корисникот, како и приспособен пристап кон поставување цели, следење на напредокот и насоки преку персонализирана севкупна фитнес програма, која сега вклучува и совети за исхрана, благодарение на новото партнерство со Whisk¹⁰.
Новата карактеристика за персонализирани зони на срцевиот ритам ги анализира индивидуалните физички способности¹¹ и дефинира пет оптимални нивоа на интензитет на трчање за да им помогне на корисниците да си постават свои цели врз основа на личните способности - од согорување маснотии до вежбање со висок интензитет. Покрај над 100 постоечки типови на вежби кои се следат, новина е трчањето на лента за трчање, кое го анализира трчањето на корисникот на лента за трчање, додека функцијата Персонализиран тренинг им овозможува на корисниците да ја развијат и следат сопствената рутина за вежбање.
Префинет дизајн, совршено Ваш
Серијата Galaxy Watch6 го подигнува искуството на користење преносливи уреди на следното ниво и нуди сосема нови дизајни за подобар приказ, поголема моќ и побогат избор на приспособливи и поудобни опцииᶾ.
Читањето и пишувањето стануваат полесни на 20% поголемиот екран¹² со повеќе текст на екранот и поголема тастатура¹³ - сето тоа без да влијае на удобноста при користењето. Поживописниот екран со поголема резолуција³ се одликува со максимална осветленост од 2000 нити, во комбинација со функцијата за постојана осветленост на екранот, која им овозможува на корисниците да гледаат и работат дури и при силна сончева светлина. Со подобрен процесор и меморија, Galaxy Watch6 овозможува полесни и побрзи интеракции³.
Часовниците Galaxy Watch6 и Watch6 Classic доаѓаат со 30% потенка рамка и 15% потенка ротирачка рамка, соодветно¹⁴, што дополнително ја истакнува убавината на оригиналната кружна рамка. Серијата Galaxy Watch6 има нови стилски, интерактивни и информативни апликации за часовници кои максимално го користат големиот екран, додека ремените со еден клик им овозможуваат на корисниците лесно да ги комбинираат ремените. На пример, новиот ремен од ткаенина¹⁵ и лицето на часовникот со совети за сон се совршена комбинација што ќе ви помогнат лесно да стекнете информативни сознанија за вашата шема на спиење.
Серијата Galaxy Watch6 доаѓа со поголема батерија и намалена потрошувачка на батерија¹⁶ за поддршка на поголем и појасен екран. За само осум минути брзо полнење, корисниците можат да додадат осум часа траење на батеријата, совршено за следење на спиењето во текот на ноќта¹⁷.
Максимално искуство директно од зглобот
WhatsApp им олеснува на корисниците на Galaxy Watch да останат поврзани со пријателите и семејството без да го кренат телефонот. Почнувајќи од оваа есен, корисниците можат да бидат продуктивни директно преку нивниот часовник со новите апликации на Google Calendar и Gmail, кои ќе бидат ексклузивно достапни на Wear OS. Тие, исто така, можат полесно да го следат целокупниот напредок на својот фитнес или податоците за исхраната со ажурирањата на MyFitnessPal и наскоро ќе уживаат во дополнителни опции за стримување со Audible.
Заедно со другите уреди на Samsung, серијата Galaxy Watch6 дополнително го збогатува корисничкото искуство. Ажурираната контрола на камерата овозможува далечинско управување со спарената камера¹⁸ на Galaxy Z Flip5 со цел да ги менува режимите и зумирањето. Samsung Smart TV¹⁹ или Galaxy Tab S9 го прикажува напредокот на корисникот во реално време со предводена фитнес програма или свесно внимание на големиот екран. Корисниците исто така можат автоматски да ја префрлаат врската на Galaxy Buds2 Pro помеѓу уредите на Samsung преку функцијата за автоматско префрлување. Ако им се случи да го изгубат телефонот, корисниците од серијата Galaxy Watch6 сега можат да го лоцираат преку функцијата Најди го мојот телефон поддржана од мапа²⁰.
И како и секогаш, личните податоци на часовникот остануваат безбедни благодарение на безбедносната платформа Samsung Knox.
Достапност²¹
Часовниците Galaxy Watch6 и Galaxy Watch6 Classic се достапни во претпродажба кај нас веќе од 26 јули 2023. На нашиот пазар уредите ќе бидат достапни по препорачана малопродажна цена од 24.299,00 ден. за GalaxyWatch6 Classic и 18.299,00 ден. за GalaxyWatch6.
Часовникот Galaxy Watch6 е совршен секојдневен придружник со модерен и минималистички дизајн. Се нуди во големина од 44 mm во графитна и сребрена боја и 40 mm во графитна и златна боја. Galaxy Watch6 Classic се одликува со премиум дизајн на сите времиња и саканата ротирачка рамка - и е достапен во црна и сребрена боја во големини од 43 mm и 47 mm.
Ако сте авантуристи и барате издржливост, перформанси и стил, Galaxy Watch5 Pro е одличен избор, сега со дополнителен подобрен формат за размена на податоци GPS (GPX)²². Освојте некоја нова маршрута со базата на податоци на датотеки GPX, која им овозможува на корисниците лесно да пребаруваат и да пристапуваат до препорачаните маршрути, додека функцијата за вежбање на рута сега поддржува трчање и пешачење покрај претходното достапно пешачење и возење велосипед.
За да дознаете повеќе за Galaxy Watch6 и Galaxy Watch6 Classic или да дизајнирате свој часовник, посетете ги: https://www.samsung.com/mk/watches/.
Нарачајте пред сите и добијте подарок!
Со преднарачка на нов Galaxy Watch6 или Watch6 Classic добивате подарок Galaxy Buds2. Вредноста на подарокот изнесува 8.999 МКД, а промоцијата трае од 26.7. до 1.8.2023 или пократко доколку се потрошат залихите. За повеќе информации за преднарачки посетете ја страницата www.samsung.com/mk/offer/preorder-galaxy-watch6
