Samsung лансира One UI 5.1.1 beta 3 за одредени Galaxy уреди

Објавено на 03.08.2023 во Android



Samsung лансира One UI 5.1.1 beta 3 за одредени Galaxy уреди

Samsung ја објавил најновата бета верзија за неговиот интерфејс, дизајниран за смартфони и таблети со големи екрани. One UI 5.1.1. е објавена за Galaxy Z Fold 4 и Galaxy Tab S8. Ова е третата верзија на One UI 5.1.1 откако првата пробна верзија беше објавена пред точно еден месец.

Firmware верзијата за Galaxy Z Fold 4 е ZWGB, додека firmware верзијата за Galaxy Tab S8 таблетот е ZWGA. Финалната верзија на One UI 5.1.1 се очекува да биде пуштена во текот на овој месец. Надградбата отстранува багови што прават проблеми кај преклопната ултра-широка камера. 

One UI 5.1.1 се базира на Android 13 и прединсталиран е кај Galaxy Z Fold 5, Galaxy Z Flip 5, и Galaxy Tab S9 серијата, која што ќе биде лансирана на 11 август.