Серијата Samsung Galaxy Z ја надмина годишната продажба на серијата Galaxy Note во Европа
Samsung Electronics објави дека првите бројки за продажба на Galaxy Z Flip5 и Galaxy Z Fold5 покажуваат дека продажбата од претходните серии во Европа е надмината.
„Нашите најнови телефони на преклоп се продаваат со неверојатна брзина“, рече Бенџамин Браун, генералниот директор за маркетинг на Samsung Europа на прес-конференцијата на Samsung одржана на овогодинешниот саем IFA во Берлин. „Годишната продажба на нашите преклопни уреди ја надмина продажбата од серијата Note во Европа“.
Samsung ги лансираше моделите Galaxy Z Flip5 и Z Fold5 во 38 земји низ Европа на 11 август. Од нивното излегување, двата модели постигнаа солидна продажба и ја надминаа продажбата од претходната серија.
Стратешкиот настап и успехот на новите смартфони на склопување на европскиот пазар го одразуваат растечкиот тренд на серијата на преклопување во мејнстрим категоријата.
Експертите од индустријата предвидуваат дека годишниот обем на продажба на телефонитена преклопна Samsung, вклучувајќи ги Galaxy Z Flip5 и Z Fold5, ќе надмине бројката од 10 милиони парчиња оваа година.
Во Европа, продажниот сооднос помеѓу Galaxy Z Flip5 и Z Fold5 е околу 7:3. Кај Z Flip5, боите графитна и ментол зелена се многу омилени кај купувачите, додека Z Fold5 во фантомска црна и ледено сина бојае многу популарен.
Galaxy Z Flip5 собира комплименти за неговиот привлечен дизајн и надградениот Flex Window дисплеј кој е 3,78 пати поголем од претходната серија. Особено, FlexCam ги воодушеви клиентите во Европа, нудејќи разновидно искуство со камерата кое е уникатно за телефоните на преклоп.
Galaxy Z Fold5 е исклучително продуктивен, нуди лента со задачи и S Pen, а со тоа и подобро искуство со мултитаскинг за корисниците. Со најтенкиот и најлесниот дизајн меѓу сите серии Z Fold, со намалување на тежината за 10 g, одговорот на европскиот пазар на моделот Samsung Z Fold5 беше исклучително позитивен.
